風篩來矣

 風篩來矣！hong-thai lâi--ah！

學台語借用漢字是上符合台灣人學習語言ê方法，但是台語是聲調性ê語言，單用漢字無法度表達出台語ê聲調，加上漢字定定是一字多音，閣較增加台語讀寫ê難度，但是揣著正確ê漢字，無疑誤會當提升咱對台語ê了解。

比如講，咱時常將華語ê「颱風」寫做風颱，不而過正確ê台語寫法應該是風篩，為啥物欲叫風篩？

根據清治時期王禮主編ê《台灣縣志》對風篩的描寫，「颶風挾雨四面環至，空中旋舞如篩」，咱若看這馬ê天氣圖就會欽配古早文人ê智慧。

風篩閣較早是記載佇元曲·張國賓《薛仁貴》第二折「哎喲兒也，知他那裏日炙風篩，博功名苦盡甘來。」