高麗菜飯 Ko-lê-chhài- pn̄g 昨昏(cha̋ng)用電子鍋煮一坩高麗菜飯，第一擺煮，歹撙節，水傷少，小可懸低粒。為著煮這頓，閣專工騎歐篼䆀去「里仁」，買無泡過藥水的金鉤蝦。 Cha̋ng iōng tiān-chú ko chú chi̍t khaⁿ ko-lê-chhài-pn̄g, tē-it-pái chú, phái-chún-chat, chúi siuⁿ-chió, sió-khóa koân-kē lia̍p. Ūi-tio̍h chú chit-tǹg, koh choan-kang khiâ ó͘-to͘-bái khì “Lí-jîn”, bé bô phàu kò io̍h-chúi ê kim-kau-hê. 歐篼䆀傷久無騎，發袂起來，創規晡，舞佮大粒汗細粒汗，牽去巷仔口頭下到的機車行，無開；閣牽去較起--去，菜市仔彼間，頭家講無電，伊會使幫我焐電 ，我騎看覓，敢會回電，若無，著愛換密底哩。 Ó͘-to͘-bái siuⁿ kú bô khiâ, hoat bē khí-lâi, chhong kui-po͘, bú kah tōa-lia̍p-kōaⁿ sè-lia̍p-kōaⁿ, khan khì hāng-á-kháu thâu-ē-kàu ê ki-chhia-hâng, bô khai; koh khan khì khah khí--khì, chhài-chhī-á hit-keng, thâu-ke kóng bô tiān, i ē-sái pang góa ù-tiān, góa khiâ khòaⁿ-māi, kám ē hôe-tiān, nā-bô, tō ài ōaⁿ ba̍t-té-lih. 想講若騎傷遠，予無電去，頭較大身，殘殘佮換落去，一時聳勢講，順紲規台巡巡看看咧，看佗位閣愛修理。換烏油、換擋車燈電火泡仔，算算咧，攏總開千外。這頓飯若無熟，毋就牽豬哥拍見錢-無采工。 Siūⁿ-kóng nā kháⁿ siuⁿ hn̄g, hō͘ bô tiān khì, thâu khah tōa sin, chhân-chhân kah ōaⁿ loh-khì, chı̍t-sî sáng-sè kóng, sūn-sòa kui tâi sûn-sûn khòaⁿ-khòaⁿ le...
留言
張貼留言